Katixa Agirre

Gasteiz, 1981

Katixa Agirre, Araban jaio zen 1981ean, idazle euskalduna da, Euskal Herriko Unibertsitatean (EHU) irakaslea eta komunikazio audiobisualean doktorea, Lolitaren mitoari buruz egin zuen bere tesia. Agirreren lanik ezagunenen artean daude 2007an argitaratu zuen Sua falta zaigu ipuin bilduma, bere idazle lanari bultzada eman ziona, eta 2009an argitara eman zuen Habitat narrazio bilduma, bere lanik ezagunena litzatekeena. Haur eta gazte literaturan ere lan batzuk argitaratu ditu: Paularen seigarren atzamarra (2007), Ez naiz sirena bat, eta zer? (2009) eta Patzikuren problemak (2010), Amaia Lapitz (2010) nobela sorta. Bestalde, hainbat hedabideetan kolaboratzaile gisa egiten du lan, horien artean daude Deia, Sautrela, Berria eta Argia. 2015ean argitaratu zuen bere lehen eleberria Atertu arte itxaron. Azken honengatik sari bat jaso zuen, 111 Akademia saria (2015). Honetaz gain, beste hainbat sariren irabazle izan da urteetan zehar, Gabriel Aresti Ipuin Lehiaketa (2015), Hesperia, California ipuinagatik edota Agustin Zubikarai beka (2016), Amek ez dute eleberri proiektuagatik esaterako. Atzerriko zenbait unibertsitatetan ikerketak egiten egon den arren, gaur egun Bilbon bizi da eta, esan bezala, literaturan eta kazetaritzan jarditen du, baina baita blogen inguruan. [Marina del Pino Cabrero]